PRAESIDALES

PRAESIDALES

Provinciae, quae a Praesidibus regebantur. Postquam enim, partitione provinciarum institutâ, Augustus quasdam Populo assignâsset, quasdam sibi reservâsset, ex iis, quae

Populo concessae erant, duae quidem Proconsulares fuere, Africa nempe et Asia; decem autem Praetoriae, quas enumerat Strabo, l. 17. sub fin. Reliquas omnes sibi Caesar retinuit ac regendas suscepit, et in eas quidem modo Consulares viros mittebat, qui Consulares Legati; modo Praetorios, qui Legati pro Praetore; modo Equites, qui, cum minutis provinciis praessent, Praesides atque Procuraetores dicebantur. Ita tamen, ut pro arbitrio suo Imperatores provinciarum iura et administration es saepe mutantes, quae Populi erant, suas facerent; suas autem Populo transcriberent: et sic de Consularibus Proconsulares ac contra; deque Praesidalibus Praetorias deque Praetoriis Praesidales facerent, quarum mutationum exempla in antiquis Inscription ibus reperiuntur quam plurima etc. Vide Salmas. ad Spartian. in Hadr. loc. cit. Addam de provinciarum istiusmodi Praesidibus, quô honore illorum eos affecerit Alexander Severus, qui laudem meruerant, ex Vita eius a Lampridio descripta, c. 22. Ita autem hic Auctor, Praesides, inquit, provinciarum, quos vere non factionibus, laudari comperit, et in itineribus secum semper in vehiculo habuit et muneribus adiuvit, dicens, et fures a Republica pellendos ac pauperandos, et integros esse redimendos atque ditandos. Ut alia omittam: de quibus vide eundem Salmas. ad Solin. p. 806.